Пра кампанію

Кампанія «Лекспатэнт» – адна з вядучых фірмаў Рэспублікі Беларусь у галіне патэнтна-прававых паслуг. З 1997 года мы дапамагаем беларускім і замежным кліентам у ахове іх інтэлектуальнай уласнасці (ад тэхнічных і канструктарскіх рашэнняў да таварных знакаў і фірменных найменняў).

Кампанія ў лічбах:

• больш за 25 гадоў на рынку;
• 18 супрацоўнікаў, з якіх 11 – патэнтныя павераныя і юрысты;
• больш за 3000 кліентаў-заяўнікаў з больш як 100 краін свету;
• на тэрыторыі больш як 70 краін мы ўжо аказалі дапамогу нашым беларускім кліентам.

Мы дапамагаем нашым кліентам:

• Пры выбары стратэгіі аховы інтэлектальнай уласнасці. Мы праводзім экспертную ацэнку вашай сітуацыі і даём рэкамендацыі аб тым, ці варта інвеставаць у патэнтаванне вашых тэхнічных распрацовак або рэгістрацыю таварных знакаў і як гэта выгадней зрабіць з улікам вашых мэт і нюансаў заканадаўства.
• Пры атрыманні і ахове правоў на аб'екты інтэлектуальнай уласнасці. Нашы спецыялісты гатовы ўзяць на сябе ўсе задачы ў працэсе атрымання ахоўных дакументаў (ад падрыхтоўкі заявак да прадстаўлення вашых інтарэсаў у дзяржаўных органах і міжнародных арганізацыях).
• Пры наладжванні міжнароднага супрацоўніцтва. Наша кансультацыйная падтрымка пры вядзенні перамоў з замежнымі партнёрамі дапаможа вам зэканоміць час і грошы, а таксама пазбегнуць памылак, якія могуць абясцэніць усе вашы намаганні па ахове інтэлектуальнай уласнасці.
• У спрэчных сітуацыях, у тым ліку пры неабходнасці абароны вашых выключных правоў у судзе. Нашы юрысты і патэнтныя павераныя дапамогуць вам ацаніць спрэчную сітуацыю, разабрацца, ці парушаюцца вашы правы, і вырашыць канфлікт з найбольшай выгадай для вас.

Для большасці нашых кліентаў мы сталі доўгатэрміновым партнёрам, які заўсёды стаіць на варце іх інтарэсаў і дапамагае рухацца да новых мэт.

Чаму варта даверыць ахову інтэлектуальнай уласнасці менавіта нам?

• «Лекспатэнт» – адна з  найстарэйшых кампаній, якія аказваюць патэнтна-прававыя паслугі ў Беларусі. Мы раслі і развіваліся паралельна са станаўленнем самой патэнтнай сістэмы Рэспублікі Беларусь і дасканала ведаем яе адметнасці і нюансы.
• Сямейныя традыцыі, адказнасць перад кліентам. У нашай кампаніі працуюць ужо некалькі пакаленняў патэнтных павераных і юрыстаў. Пераемнасць паміж імі з'яўляецца залогам таго, што і праз гады прынятыя ў кампаніі прынцыпы працы найвышэйшай  якасці застануцца нязменнымі.
• Вопыт, назапашаны за больш як 25 год працы, пастаянна аналізуецца і захоўваецца ў кампаніі. Дзякуючы яму наша каманда заўсёды дапаможа вам пазбегнуць памылак і максімальна выгадна камерцыялізаваць вашы аб'екты інтэлектуальнай уласнасці.