Блез Паскаль (фр. Blaise Pascal) – французскі матэматык, фізік, механік, філосаф, а таксама любячы сын: у 1642 годзе пачаў працаваць над падсумоўваючай машынай (прататып калькулятара), каб дапамагчы рабіць складаныя разлікі бацьку – зборшчыку падаткаў.
Механізм падсумоўваючай машыны, пазней названай у гонар яе вынаходніка “Паскаліна”, складаўся з латуннай скрыначкі і шасцярэнек з наборнымі колкамі, на якія вынаходнік нанёс лічбы ад 0 да 9. Складанне выконвалася так: складаемыя набіралі з дапамогай павароту колкаў, пры поўным абароце рэшта пераносілася на другі разрад, перасоўваючы суседнюю шасцярэньку на адно дзяленне, а вынік адлюстроўваўся ў акенцах уверсе “Паскаліны”.
Адзін з варыянтаў падліковай машыны Паскаль падарыў канцлеру Францыі, а пазней вынаходнік атрымаў на падліковую машыну каралеўскі прывілей: усім, апрача Блеза Паскаля, забаранялася ствараць падліковыя машыны, капіраваць “Паскаліну”, замежнікам забаранялася гандляваць падліковымі машынамі ў Францыі.
На жаль, вынаходства не зрабіла Блеза Паскаля багатым: было прададзена крыху больш за 10 падсумоўваючых машын.
прасп. Незалежнасці, 56-302 Мінск, Беларусь, 220005
пн-пт: 9.00 - 18.00
