Супрацоўнікі ТДА “ЛЕКСПАТЭНТ” узялі ўдзел у рабоце семінара “Развіццё сеткі Цэнтраў падтрымкі тэхналогій і інавацый у Беларусі. Значэнне геаграфічных указанняў для абароны нацыянальных брэндаў”

29 чэрвеня 2022 года па запрашэнні ДУ “Нацыянальны цэнтр інтэлектуальнай уласнасці” Святлана Каралёва, дырэктар ТДА “ЛЕКСПАТЭНТ”, патэнтны павераны Рэспублікі Беларусь, еўразійскі патэнтны павераны, і Дар’я Ландо, кандыдат юрыдычных навук, начальнік юрыдычнага аддзела ТДА “ЛЕКСПАТЭНТ”, выступілі з дакладам на семінары “Развіццё сеткі Цэнтраў падтрымкі тэхналогій і інавацый у Беларусі. Значэнне геаграфічных указанняў для абароны нацыянальных брэндаў”. Мерапрыемства праводзілася на тэрыторыі РУП “ННВЦ “Тэхналаб” у Гродне. Яшчэ адным арганізатарам мерапрыемства выступіў Гродзенскі дзяржаўны ўніверсітэт імя Янкі Купалы. 

Святлана Каралёва выступіла з дакладам аб стварэнні рэгіянальных брэндаў для павышэння эканамічнай і інвестыцыйнай прывабнасці рэгіёнаў і пазнаёміла слухачоў з патэнцыяльнымі геаграфічнымі ўказаннямі ў кожнай з абласцей Беларусі, а таксама падзялілася сваім досведам у падрыхтоўцы і суправаджэнні заявак на геаграфічныя ўказанні замежных праваўладальнікаў. 

Дар’я Ландо распавяла прысутным аб Нацыянальным праекце па развіцці інстытуцыянальнай палітыкі ў галіне інтэлектуальнай уласнасці для ўстаноў вышэйшай адукацыі і навукова-даследчых арганізацый Беларусі і абмеркавала з прадстаўнікамі Гродзенскага дзяржаўнага ўніверсітэта імя Янкі Купалы, Гродзенскага дзяржаўнага аграрнага ўніверсітэта перадумовы і перспектывы распрацоўкі лакальных прававых актаў у сферы інтэлектуальнай уласнасці