У 1885 годзе ў ЗША ўпершыню выдалі патэнт на рэмень бяспекі. Але ў цяперашнім выглядзе (V-вобразны трохкропкавы) рэмень вынайшаў у 1959 годзе інжынер Volvo Нільс Болін. Упершыню на канвеер трохкропкавы рэмень паступіў з аўтамабілем Volvo PV544. Пазней вынаходствам пачалі камплектаваць аўтамабілі ўсіх марак: кампанія Volvo зрабіла патэнт Боліна адкрытым, разумеючы істотнасць прылады для бяспекі кіроўцаў і пасажыраў.
Інжынер Нільс Болін атрымаў за сваё вынаходства мноства ўзнагарод, а яго імя ўнеслі ў Нацыянальную галерэю Славы вынаходстваў. Патэнтнае ведамства Германіі ўключыла трохкропкавы рэмень бяспекі ў пералік васьмі самых значных вынаходстваў, на якія на працягу стагоддзя былі выдадзеныя патэнты.
Пры выкарыстанні прылады ў 2,3 раза зніжаецца верагоднасць гібелі кіроўцы або пасажыра ў лабавым сутыкненні, у 1,8 раза – пры бакавым, у 5 разоў – пры пераварочванні транспартнага сродку.
Нагадваем, што ў Беларусі, паводле Правіл дарожнага руху, выкарыстанне рамянёў бяспекі абавязковае для кіроўцаў і пасажыраў!
прасп. Незалежнасці, 56-302 Мінск, Беларусь, 220005
пн-пт: 9.00 - 18.00
