Луі Брайль нарадзіўся 4 студзеня 1809 года. У трохгадовым узросце ён пашкодзіў вока інструментам у майстэрні бацькі-шаўца і да пяці гадоў цалкам аслеп. Бацькі Луі рабілі ўсё магчымае для развіцця хлопчыка, нават вырабілі алфавіт для навучання чытанню – у дошку ўбілі цвікі, якія абрысамі паўтаралі літары. Насуперак абмежаваным магчымасцям, Луі навучыўся чытаць, граць на скрыпцы, майстраваць абутак і элементы вупражы.
У 10 гадоў хлопчыка прынялі ў Парыжскі Каралеўскі інстытут для сляпых. У навучальнай установе выкладалі па падручніках з рэльефна-лінейнымі шрыфтамі. Аднак кніг на ўсіх не хапала, і выкладчыкі часцей разлічвалі на ўспрынцце вучнямі інфармацыі наслых.
У 1824 годзе, ва ўзросце 15 гадоў, Луі распрацаваў рэльефна-кропкавы тактыльны шрыфт. Ён натхніўся “начным шрыфтам” Шарля Барб’е, які быў распрацаваны па патрабаванні Напалеона і выкарыстоўваў 12 рэльефных кропак, што фарміраваліся праколваннем кардону, а чытанне ажыццяўлялася праз дотык да выпуклых праколаў. Ваенныя данясенні, напісаныя гэтым шрыфтам, можна было чытаць у цемры.
У аснове азбукі Брайля – “ячэйка-шасцікроп’е”: 6 выпуклых кропак, якія лёгка змяшчаюцца пад падушачкай пальца, размяшчаюцца ў двух вертыкальных шэрагах, наяўнасць або адсутнасць кожнай кропкі фарміруе 63 камбінацыі, кожнай з іх адпавядае літара, лічба ці знак.
Шрыфт прынялі не адразу нават у родным інстытуце, дзе Брайль працаваў настаўнікам-рэпетытарам. Вынаходства ацанілі як рэвалюцыйнае толькі праз некалькі гадоў, і цяпер шрыфт Брайля адаптаваны пад многія мовы.
Вынаходства Луі – адно з дзіцячых вынаходстваў, што змяняюць свет і робяць жыццё людзей зручнейшым. Дзень дзіцячых вынаходстваў (Kid Inventors’ Day) адзначаецца 17 студзеня. Датай святкавання абраны дзень нараджэння Бэнджаміна Франкліна, які ва ўзросце 12 гадоў вынайшаў ласты для рук.
прасп. Незалежнасці, 56-302 Мінск, Беларусь, 220005
пн-пт: 9.00 - 18.00
