Сталі вядомыя ўмовы ўдзелу ў 19-й Міжнароднай выставе юных вынаходнікаў!

Дарагія сябры!

Сталі вядомыя ўмовы ўдзелу ў 19-й Міжнароднай выставе юных вынаходнікаў (International Exhibition for Young Inventors – IEYI)*, якая пройдзе ў жніўні 2024 года ў Тайбэі, Тайвань.

Патрабаванні да ўдзельніка:

• узрост ад 6 да 19 гадоў (уключна).

Конкурс праводзіцца ў дзвюх узроставых групах:

• ад 6 да 13 гадоў – юніёры (Junior Group);
• ад 14 да 19 гадоў –  старэйшая група (Senior Group).

Навучэнцы школ, ліцэяў, гімназій, каледжаў, а таксама іншых адукацыйных устаноў могуць прадэманстраваць свае праекты як індывідуальна, так і ў складзе каманды да трох чалавек.

Праект павінен адпавядаць адной з дзесяці тэматычных катэгорый:

(1) кіраванне стыхійнымі бедствамі;
(2) адукацыя;
(3) адпачынак і спорт;
(4) прадукты харчавання і сельская гаспадарка;
(5) «зялёныя» тэхналогіі;
(6) бяспека і здароўе;
(7) тэхналогіі для асобых патрэб;
(8) тэхналогіі для пажылых людзей;
(9) прамысловы дызайн і зручныя прылады для паўсядзённых патрэб;
(10) мастацкія творы (якія складаюцца з новых формаў навукі і тэхнікі).

Вынаходства павінна ўяўляць сабой гатовы выраб вагой да 10 кг, не перавышаць 1 метра ў шырыню, даўжыню і вышыню.

Вынаходствы павінны адпавядаць усім патрабаванням выставы, не адносіцца да сферы фундаментальных навуковых даследаванняў або чыстага мастацтва. Вынаходствы павінны быць бяспечнымі. Вынаходствы, якія ўключаюць у сябе выбуховыя, каразійныя, атрутныя рэчывы і гаручыя матэрыялы, а таксама жывыя арганізмы, да разгляду не прымаюцца.

Важныя даты:

01–31.05.2024 – анлайн-рэгістрацыя;
15.06.2024 – падача заявак;
02–06.08.2024 – ацэнка работ.

Больш падрабязную інфармацыю можна паглядзець тут і тут.

Анлайн-рэгістрацыю і падачу заявак беларускія ўдзельнікі могуць прайсці самастойна на сайце або звярнуцца да нас па электроннай пошце office@lexpatent.by. Кантактная асоба на тэрыторыі Рэспублікі Беларусь — патэнтны павераны Рэспублікі Беларусь Святлана Каралёва.

Заяўка павінна змяшчаць:

• запоўненую рэгістрацыйную форму;
• максімальна падрабязны матэрыял, які дасць магчымасць экспертам ацаніць праект, а таксама дадаткі з ілюстрацыйным матэрыялам (малюнкі, схемы, карты, табліцы, фатаграфіі і да т.п.),
• відэа пра ваша вынаходства на англійскай мове працягласцю 1-2 хвіліны. Відэа павінна прадэманстраваць крэатыўнасць, працаздольнасць, рынкавыя магчымасці і перавагі прадстаўленага вынаходства.

Аднымі з асноўных мэт IEYI з’яўляюцца наступныя:

• стымуляванне творчага падыходу да інавацый і вынаходстваў;
• развіццё ў студэнтаў навыкаў рашэння ўзніклых праблем, крытычнага мыслення і камунікатыўных навыкаў;
• прадастаўленне студэнтам ведаў і навыкаў, неабходных для іх будучай кар’еры;
• паглыбленне разумення студэнтамі навакольнага свету праз запуск навуковага мыслення і вывучэнне асноўных канцэпцый у навуцы;
• стварэнне спрыяльнай атмасферы для развіцця маладых вынаходнікаў;
• умацаванне ўзаемаабмену культур і садзейнічанне моладзеваму вынаходніцтву