Міжнародная навукова-практычная канферэнцыя Трансфармацыя еўразійскай патэнтнай сістэмы. Ацэнка і перспектывы» аб'яднала спецыялістаў у сферы інтэлектуальнай уласнасці з 6 краін

13-14 чэрвеня 2024 года ў г. Мінску адбылася Міжнародная навукова-практычная канферэнцыя «Трансфармацыя еўразійскай патэнтнай сістэмы. Ацэнка і перспектывы». У працы канферэнцыі ўзялі ўдзел спецыялісты ў сферы інтэлектуальнай уласнасці з Рэспублікі Арменіі, Рэспублікі Грузіі, Рэспублікі Беларусь, Рэспублікі Казахстан, Расійскай Федэрацыі, Рэспублікі Узбекістан.
У якасці дакладчыкаў на канферэнцыю былі запрошаныя супрацоўнікі ТДА «ЛЕКСПАТЭНТ».

Начальнік юрыдычнага аддзела Дар'я Ландо ўзяла ўдзел у круглым стале «Рынкі ў стадыі развіцця Еўразійскага эканамічнага саюза (ЕАЭС): ліцэнзаванне і франчайзінг», арганізаваным пры падтрымцы LES Russia. У рамках заяўленай тэмы дакладчыкі абмяняліся інфармацыяй пра асаблівасці прававога рэгулявання і практыку правапрымянення ў Рэспубліцы Беларусь, Рэспубліцы Казахстан, Расійскай Федэрацыі і Рэспубліцы Узбекістан. Дар'я падзялілася з удзельнікамі канферэнцыі звесткамі пра заключэнне, рэгістрацыю, выкананне і скасаванне ліцэнзійнага дагавора, дагавора франчайзінгу і дагавора аб перадачы звестак, якія складаюць ноу-хау, у Рэспубліцы Беларусь.

Начальнік аддзела па ахове аб'ектаў прамысловай уласнасці, патэнтны павераны Рэспублікі Беларусь, еўразійскі патэнтны павераны (спецыялізацыі «Вынаходствы», «Прамысловыя ўзоры») Таццяна Вашук выступіла з дакладам у рамках прэзентацыйнай секцыі «Асаблівасці атрымання прававой аховы прамысловага ўзору на еўразійскай прасторы», засяродзіўшы ўвагу слухачоў на спецыфіцы аховы прамысловых узораў у Рэспубліцы Беларусь і ацаніўшы перспектывы такой аховы.

Дырэктар, патэнтны павераны Рэспублікі Беларусь, еўразійскі патэнтны павераны (спецыялізацыя «Вынаходствы») Святлана Каралёва абмеркавала з удзельнікамі асаблівасці працы беларускіх заяўнікаў і патэнтаўладальнікаў з замежнымі юрысдыкцыямі ў рамках прэзентацыйнай секцыі «Міжнародная прававая ахова інтэлектуальнай уласнасці – сучасныя праблемы і абмежаванні», а таксама ўзяла актыўны ўдзел у дыскусіі ў рамках прэзентацыйнай сесіі «Судовая практыка дзяржаў- удзельнікаў Еўразійскай патэнтнай канвенцыі ў сферы інтэлектуальнай уласнасці».