Юрыдычныя заключэнні

Фарміраванню партфоліа аб’ектаў інтэлектуальнай уласнасці, ажыццяўленню выключнага права ў ідэале павінен папярэднічаць аналіз сітуацыі, якая склалася на рынку. На падставе атрыманай ад кліента інфармацыі патэнтныя павераныя, юрысты кампаніі ЛЕКСПАТЭНТ ацэньваюць перавагі і рызыкі абранай ім стратэгіі і рыхтуюць юрыдычныя заключэнні адносна шырокага спектру пытанняў. Сёння найбольш запатрабаванымі з’яўляюцца заключэнні адносна:

аховаздольнасці абазначэння для мэт яго рэгістрацыі ў якасці таварнага знака;
патэнтаздольнасці тэхнічнага рашэння для мэт яго патэнтавання;
вынікаў праведзенага патэнтнага пошуку;
падабенства абазначэнняў (таварных знакаў) для мэт выкарыстання ў спрэчках аб парушэнні правоў на таварныя знакі;
адпаведнасці праекта дагавора, заключанага ў адносінах аб’екта права прамысловай уласнасці, патрабаванням заканадаўства Рэспублікі Беларусь (дагаворы ўступкі выключнага права, ліцэнзійныя дагаворы, дагаворы франчайзiнгу, дагаворы залогу маёмасных правоў);
спосабаў вырашэння канфліктных сітуацый;
парушэння правоў на аб’екты права прамысловай уласнасці.